རྒྱལ་ཡོངས་ཀྲུང་ལུགས་སྨན་རྫས་ཐོན་ཁུངས་ཞིབ་བཤེར་ལས་དོན་གྱི་འབྲེལ་ཡོད་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་ཡོང་ཆེད། ཟླ༧འི་ཚེས༡༦ཉིན།སྐབས་བཞི་པའི་ ཀྲུང་ལུགས་སྨན་རྫས་ཐོན་ཁུངས་ཡོངས་ཁྱབ་ཞིབ་བཤེར།རྨ་ཆེན་རྫོང་གི་ཀྲུང་ལུགས་སྨན་རྫས་ཐོན་ཁུངས་ཡོངས་ཁྱབ་ཞིབ་བཤེར་ཚོགས་འདུ་མགོ་ལོག་ཁུལ་བོད་སྨན་ཁང་དུ་བསྡུས། མཚོ་སྔོན་ཞིང་ཆེན་ཀྲུང་ བོད་ལུགས་གསོ་རིག་དོ་དམ་ཅུས་ཀྱི་ཁོངས་མི་དཔལ་ལྡན་ནོར་བཟང་དང་། ཞིང་ཆེན་བོད་སྨན་ཁང་གི་ཡོན་ཀྲང་གཞོན་པ་པད་མ་རབ་བརྟན། ཁུལ་འཕྲོད་བསྟེན་བདེ་ཐང་ཨུ་ལྷན་གྱི་ཀྲུའུ་རེན་ཧན་ཧྲང་ལི། རྨ་ཆེན་རྫོང་ཡོངས་ཁྱབ་ཞིབ་བཤེར་རུ་ཁག་གི་རུ་དཔོན་པད་མ་རིན་ཆེན།མགོ་ལོག་ཁུལ་བོད་སྨན་ཁང་གི་ཡོན་ཀྲང་གཞོན་པ་བསམ་གཏན་ཚེ་རིང་དང་།ཚན་ཁག་སོ་སོའི་འགན་འཛིན་མི་སྣ་ཐེངས་འདིའི་ཚོགས་འདུར་ཞུགས་པ་རེད། མགོ་ལོག་ཁུལ་བོད་སྨན་ཁང་གི་ཡོན་ཀྲང་གཞོན་པ་བསང་བདག་ཚེ་རིང་གིས་ཚོགས་འདུ་ལ་འགོ་འཛིན་མཛད།