༢༠༡༩ལོའི་མཚོ་སྔོན་ཞིང་ཆེན་བོད་གསོ་ཚད་ལྡན་དཀའ་བཅུ་སྨན་པའི་དགེ་རྒན་གྱི་གསོ་སྦྱོང་འཛིན་གྲྭ་བསྡུས།

བོད་གསོ་ཚད་ལྡན་དཀའ་བཅུ་སྨན་པ་གསོ་སྐྱོང་དགེ་རྒན་དཔུང་ཁག་འཛུགས་སྐྱོང་ལ་སྔར་བས་ཤུགས་སྣོན་རྒྱག་པ་དང་། ནད་ཐོག་སློབ་ཁྲིད་ཀྱི་ཕྱོགས་བསྡུས་ནུས་པ་དང་སློབ་ཁྲིད་སྤུས་ཚད་མཐོ་རུ་གཏོང་ཆེད། ཚོ་སྔོན་ཞིང་ཆེན་བོད་སྨན་ཁང་གིས་2019ལོའི་ཟླ་10ཚེས་12ནས་13བར་དུས་ཡུན་ཉིན་གཉིས་ཀྱི་རིང་ལ་“2019ལོའི་མཚོ་སྔོན་ཞིང་ཆེན་བོད་གསོ་ཚད་ལྡན་དཀའ་བཅུ་སྨན་པའི་གསོ་སྐྱོང་དགེ་རྒན་གསོ་སྦྱོང་འཛིན་གྲྭ”བསྡུས་པ་དང་། སློབ་ཁྲིད་ཀྲུའུ་རེན་དང་། སློབ་ཁྲིད་དྲུང་ཡིག རྐང་འཛིན་དགེ་རྒན་བཅས་མི་100ལྷག་ཐེངས་འདིའི་གསོ་སྦྱོང་ལ་ཞུགས།